21-22 მაისს, „შემოსავლების გენერირებისა და ბიზნესის მხარდაჭერის ინიციატივა“ პროექტის ფარგლებში, CIDA-სთან პარტნიორობით განხორციელდა ვიზიტი მცხეთა-მთიანეთის რეგიონში. ვიზიტი მიზნად ისახავდა შეხვედრას CIDA-ს მიერ იდენტიფიცირებულ სოციალურად დაუცველ ბენეფიციარებთან.

14 მაისს ცენტრმა აფხაზეთმა მონაწილეობა მიიღო ასოციაცია „ჩვენი სახლი - საქართველოს“ მიერ გამოცხადებული კონკურსის გამარჯვებულთა დაჯილდოვების ღონისძიებაში. კონკურსში მონაწილეობას იღებდნენ სპეციალიზირებული მცირე საოჯახო ტიპის სახლების ლიდერები და აღმზრდელები მთელი საქართველოს მასშტაბით, რომელთა შეფასება წარმოებული დოკუმენტაციის შეფასების საფუძველზე ხდებოდა.

ადგილობრივი ხელისუფლების წარმომადგენლები ბინათმესაკუთრეთა ამხანაგობების არსსა და დანიშნულებას და მათთან თანამშრომლობის მნიშვნელოვან ასპექტებს გაეცნობიან. საქველმოქმედო ჰუმანიტარული ცენტრი „აფხაზეთის“ ორგანიზებითა და USAID/NEO-ს ფინანსური მხარდაჭერით, დაბა გუდაურში, სასტუმრო „მარკო პოლო“-ში ორდღიანი ტრენინგი/სამუშაო შეხვედრა მიმდინარეობს, რომელშიც მცხეთის, გორის, კასპის, ქარელის, ქუთაისის, წყალტუბოს, ვანის, ზუგდიდისა და რუსთავის მუნიციპალიტეტების წარმომადგენლები მონაწილეობენ.

8 მაისს ცენტრი „აფხაზეთის“ გორის ოფისს მშვიდობის კორპუსის 3 მოხალისე ესტუმრა. ვიზიტი ემსახურებოდა ადგილობრივი არასამთავრობო ორგანიზაციის მართვის სისტემის გაცნობას

შიდა ქართლისა და მცხეთა-მთიანეთის რეგიონში მცხოვრები კიდევ 34 დევნილი და ადგილობრივი სოციალურად დაუცველი პირი დაფინანსდება უპროცენტო სესხებით მათი ბიზნეს საქმიანობათა მხარდაჭერის მიზნით.

26 აპრილს საქველმოქმედო ჰუმანიტარულმა ცენტრმა „აფხაზეთმა“ ჰოლანდიის ქრონინგენის უნივერსიტეტის NOHA სამაგისტრო პროგრამის სტუდენტებს და პროფესორებს უმასპინძლა. ცენტრი „აფხაზეთი“ უკვე მესამე წელია რაც აღნიშნული უნივერსიტეტის სტუდენტებს მასპინძლობს. შეხვედრა მიზნად ისახავდა სტუმრებისათვის ორგანიზაციის მრავალწლიანი გამოცდილების გაზიარებას დევნილი და სხვა სოციალურად დაუცველი მოსახლეობის დახმარების კუთხით.